எந்திரங்களும் மந்திரங்களும்

எந்திரங்களும் மந்திரங்களும்

விரைவில் வெளியுட உள்ளேன்

(1)  சாத்தான் 

(2) குறளி

(3) மயாண காளி

(4)சுடலை மாடன்

(5) சங்கிலி கருப்பன்

(6) ஜின்

அதர்வண வேத மந்திரங்கள் (1)

பூத ஆகர்சன மந்திரங்கள் வெறும் கையில் மோதிரம் வரவழைப்பது, வாயிலிருந்து லிங்கம் வருவது எல்லாம் மந்திரங்களால் முடியுமா? என்று சிலர் கேட்கிறார்கள் அவர்களுக்கு பதிலையும் தெளிவையும் தரவேண்டியது அவசியம்

   மந்திர வித்தைகள் என்பது வேறு, கண்கட்டி வித்தைகள் என்பது வேறு.  இரண்டையும் ஒன்றாக போட்டு நாம் குழப்பிக் கொண்டிருக்கிறோம்.  இந்த குழப்பல் வேலையை பல புகழ் பெற்ற சாமியார்கள் செய்து பல கோடி ரூபாய்க்கு அதிபதிகளாகவும் ஆகிவிட்டார்கள் இதற்கு எல்லாம் காரணம் மந்திர சாஸ்திரங்கள் பற்றிய அறிவு மக்களிடம் இல்லாததே ஆகும்.

இது தவிர குண்டலினி யோகத்தை முறைப்படி கற்றவர்களுக்கு நீர் மேல் நடக்க முடியும்.  காற்றில் மிதக்க முடியும்.  கண்ணுக்கு தெரியாமல் மறையவும் முடியும்.  ஆனால் அத்தகையவர்கள் அதை வெளியில் காட்டி பிழைப்பு நடத்தமாட்டார்கள்.

மந்திரங்களால் நன்மை தான் விளையும் எனும்போது அதை வைத்து தீமையும் நடக்கிறதே அது எப்படி சாத்தியம்?  ஒரே மந்திரம் நன்மை, தீமை இரண்டையும் செய்யுமா அல்லது இரண்டுக்கும் வேறுவேறு மந்திரங்கள் உண்டா? என்று பலர் என்னிடம் கேட்கிறார்கள் கேட்காதவர்களும் தெரிந்து கொள்ள விரும்புகிறார்கள்

சத்தம் என்பது ஒன்று தான்.  அதை இலக்கணப்படி நெறி படுத்தும் போது சங்கீதமாகிறது.  கட்டுபாட்டை மீறும் போது சந்தைகடை சத்தமாகிறது.  மந்திரங்களும் அப்படி தான்.  வரையறைக்குள் திட்டமிட்டு செயல்படுத்தினால் நன்மைகளை தரும்.  திட்டமிடாத செயலுக்கு கொண்டு வந்தால் எதிர்விளைவுகளைத் தான் தரும்.

மந்திரங்களால் நன்மை தான் விளையும் எனும்போது அதை வைத்து தீமையும் நடக்கிறதே அது எப்படி சாத்தியம்?  ஒரே மந்திரம் நன்மை, தீமை இரண்டையும் செய்யுமா அல்லது இரண்டுக்கும் வேறுவேறு மந்திரங்கள் உண்டா? என்று பலர் என்னிடம் கேட்கிறார்கள் கேட்காதவர்களும் தெரிந்து கொள்ள விரும்புகிறார்கள்

சத்தம் என்பது ஒன்று தான்.  அதை இலக்கணப்படி நெறி படுத்தும் போது சங்கீதமாகிறது.  கட்டுபாட்டை மீறும் போது சந்தைகடை சத்தமாகிறது.  மந்திரங்களும் அப்படி தான்.  வரையறைக்குள் திட்டமிட்டு செயல்படுத்தினால் நன்மைகளை தரும்.  திட்டமிடாத செயலுக்கு கொண்டு வந்தால் எதிர்விளைவுகளைத் தான் தரும்.

    உதாரணமாக காயத்ரி மந்திரத்தை எடுத்து கொள்வோம்.  அதை உச்சாடனம் செய்வதற்கு சில நியமங்கள் உண்டு.  அந்த நியமனப்படி செய்யும் போது தான் அறிவு தெளிவை அது தரும்.  மனம் போன போக்கில் அதை உச்சரித்தால் அறிவும் தெளியாது.  மனமும் மகிழாது.

  காயத்ரி மந்திரம் போன்றவைகளை தவறுதலாக உச்சரித்தால் நன்மை மட்டும் தான் ஏற்படாது.  அதனால் விளைய கூடிய தீமைகள் என்று எதுவும் இல்லை.  ஆனால் வேறு சில மந்திரங்கள் இருக்கின்றன.  அவைகளை சிறிது தவறாக உச்சரித்தாலே அப்படி செய்பவனுக்கு பல விபரீதங்கள் ஏற்படும்.

 கணபதி ஹோமம், நவக்கிரக ஹோமம் என்ற வரிசையில் சண்டி ஹோமம் என்பதை கேள்விபட்டிருப்பீர்கள்.  இதற்கு உச்சரிக்க கூடிய மந்திரங்கள் மிக கடினமானவைகள், தீவிர மன ஈடுபாட்டோடு மட்டுமே செய்யக் கூடிய புனிதம் மிக்கவைகள் இந்த மந்திரங்களை கவன தடுமாற்றத்தாலோ ஞாபக மறதியாலோ தவறுதலாக உச்சரித்து விட்டோம் என்றால் குறிப்பிட்ட வேத சாஸ்திரியை பதம் பார்த்து விடும்.

     இதனாலே பல வேத பண்டிதர்கள் சண்டி ஹோமம் செய்ய ஒத்து கொள்ள மாட்டார்கள்.  அப்படியே ஒத்து கொண்டு வருகிற சிலர் வெறுமனே ஸ்ரீ சூத்தகம், துர்கா சூத்தகம், மேதா சூத்தகம் போன்ற சூத்தகங்களை சொல்லி ஹோமத்தை முடித்து கொள்வார்கள்.  பலருக்கு ஹோமங்களை பற்றிய விவரங்கள் முழுமையாக தெரியாது என்பதினால் இப்படிப்பட்ட பண்டிதர்களின் வண்டி கனஜோராக ஓடிக்கொண்டிருக்கிறது.  ஆனால் உண்மையில் சண்டி ஹோமம் முறைபடி செய்யபவர்கள் மிக குறைவு.  இதற்கு காரணம் மந்திரத்தின் வலுவே ஆகும்.  கேட்ட வரத்தை தரும் இந்த மந்திரம் தவறாக சொன்னால் கெட்ட வரத்தை கூட அல்ல சொன்னவனையே இல்லாமல் செய்துவிடும்.

  இது தவிர தீமைகளை நிகழ்த்துவதற்கென்றே பல மந்திரங்கள் உள்ளன.

இவைகள் அதர்வண வேதத்தில் நிறைய இருக்கிறது.  இருட்டும் வெளிச்சமும் கலந்தது தான் உலகம் என்பது போல் அயன வெளியில் நல்லதும் கெட்டதுமாக பல மந்திர அதிர்வுகள் சஞ்சரித்த வண்ணமே உள்ளன.  உள்ளொளி பெற்ற வேதகால ரிஷிகள் அவைகளை கிரகித்து தரவாரியாக தொகுத்து வைத்துள்ளனர்.  அத்தகைய மந்திரங்களால் ஊரை கொளுத்தலாம்,

 நீர் நிலைகளை விஷமாக்கலாம் பயிர் பச்சகளை காய்ந்து போக செய்யலாம்,

 மனிதர்களை கொத்து கொத்தாக சாகடிக்கலாம்.

  அமைதியான வாழ்க்கைக்கு வழி தேட வேண்டிய ரிஷிகள் அறிவு சக்தியை நாடியது ஏன் என்று கேட்கலாம்.  இந்த உலகத்தின் இயக்கமே நன்மைக்கும் தீமைக்கும் நடக்கும் போராட்டம் தான்.  தீமைகளை ஒழித்து கட்ட நன்மை ஆயுதம் ஏந்தியாக வேண்டும்.  தக்க நேரத்தில் ஆயுதம் ஏந்த மறுத்தால் மடிந்து மண்ணோடு மண்ணாக மக்கி போக வேண்டிய நிலைவரும்.  அந்த நிலையிலிருந்து தன்னை தற்காத்து கொள்வதற்கு தான் நன்மைக்கு ஆயுதம் வேண்டும்.  அத்தகைய ஆயுதம் தான் அதர்வண வேத மந்திரங்கள், அரக்கனை வெட்டி பிளக்க உருவாக்கப்பட்ட கோடாரி அரக்கன் கையிலேயே கிடைத்துவிட்டது போல பல சமயங்களில் இந்த மந்திரங்கள் தீயவர்களின் கையில் அகப்பட்டு கொண்டு திண்டாடுகிறது.

 மந்திர மாயங்களை உண்மையில்லை வெற்று மூட நம்பிக்கைகள் அவைகள் என சொல்பவர்கள் முக்கியமான ஒரு கேள்வியை கேட்கிறார்கள்.  சூன்யம் வைத்து ஒரு மனிதனை சாகடிக்க முடியும் என்றால் அரசியல் தலைவர்களை கொலை செய்வதற்கு சிரமப்பட்டு பல திட்டங்களை ஏன் வகுக்க வேண்டும். பேசாமல் ஒரு மந்திரவாதியிடம் பணத்தை கொடுத்து கச்சிதமாக வேலையை முடித்து விடாலாமே? என்பது அந்த கேள்வியாகும்.  இந்த கேள்வி கேட்கப்பட்ட விதம் வேண்டுமென்றால் விதண்டாவாதமாக இருக்கலாமே தவிர கேள்வியே விதண்டாவாதமல்ல.  மிகவும் சரியான தரமான கேள்வியென்றே சொல்லலாம்.  இதற்கு பதில் சொல்ல வேண்டிய கடமை நிச்சயம் நமக்கு உண்டு.

  பொதுவாக நிறைய மனிதர்கள் எனக்கு சூன்யம் வைத்துவிட்டார்கள். அவனை தீய மந்திரங்களை பிரயோகம் செய்து கொன்று விட்டார்கள் என்று பேசுவதை காணலாம்.  ஆனால் அப்படி செத்தவர்களில், பலர், பாதிக்கப்பட்டவர்களில் பலர் உண்மையில் தீய மந்திரங்களால் பாதிக்கப்படுவதற்கான வாய்ப்பே கிடையாது.  காரணம் நாம் நினைப்பது போல யார் மேலே வேண்டுமென்றாலும் மந்திர பிரயோகம் செய்து விட முடியாது.  அப்படி யார் பாதிப்படைவார்கள் என்பதற்கு மந்திர சாஸ்திரத்தில் தனி விதியே இருக்கிறது.

  ஜாதகப்படி சூரியன் உச்சமாகவோ, ஆட்சியாகவோ இருந்து பிறந்த நபர்களையோ, சிம்ம ராசியில் பிறந்தவர்களையோ எந்த தீய மந்திரமும், தீய சக்திகளும் தொட்டு கூட பார்க்க முடியாது.  இது மட்டுமல்ல புர்வ புண்ணிய ஸ்தானமான ஐந்தாம் இடத்துக்கு உரிய கிரகம் நல்ல நிலையில் இருந்தாலும் மந்திரங்களால் பாதிப்படைய முடியாது.  மேலும் வலது கையில் சூரிய வளைவு ரேகை இருப்பவர்களை எத்தகைய மந்திரமும் தீண்டாது.

  தனி மனிதர்களை பாதிப்படைய செய்வதற்கு இத்தனை நெறிமுறைகளை சொல்கிறீர்களே நீங்கள் மந்திரங்களால் ஊரை கொளுத்தலாம், கொத்து கொத்தாக சாகடிக்கலாம் என்றும் சொல்லியுள்ளீர்கள்.  பல தனி மனிதர்களால் ஆனது தானே தேசம்.  பொதுப்படையான பாதிப்பு என்றாலும் அது தனிப்பட்ட மனிதர்களை சார்ந்து தானே நிகழ்கிறது.  எனவே இந்த கூற்று முன்னுக்கு பின் முரணாக தெரிகிறதே என்று சிலர் நினைக்கலாம்.  அது தவறல்ல.  ஆனால் தேசங்களை மந்திரங்களால் சீரழிக்கலாம் எனும் போது அதற்கென்று தனி விதிகள் உள்ளன.

  உதாரணமாக ராமநாதருக்கு ஜாதகப்படி நூறு வயது, ஆயுள் கண்டம் எதுவுமில்லை என்று வைத்து கொள்வோம்.  அவர் தமது அறுபதாவது வயதில் ஒரு விமான விபத்தில் செத்து போகிறார் என்று வைத்து கொள்ளுங்கள் அல்லது சுனாமி, நிலநடுக்கம், குண்டு வீச்சு இப்படி ஏதோ ஒரு பேரழிவில் இறந்து போகிறார் என்று வைத்து கொள்வோம் அப்போது இவருக்கு கணிக்கப்பட்ட ஜாதகம் பொய்யா? என்று நமக்கு தோன்றும்.  நிச்சயம் அப்படியிருக்க வாய்ப்பு இல்லை.

  ஒரு பேருந்தில் நாம் பயணம் செய்கிறோம்.  நமது உயிர், உடமை எல்லாவற்றிக்கான முழு பொறுப்பு பேருந்து ஓட்டுநரை தர்மப்படி சார்ந்து விடுகிறது.  அந்த பேருந்தில் பயணம் செய்யும் அத்தனை பயணிகளின் விதியும் ஓட்டுநரின் விதியை சார்ந்தே அமைகிறது.  அப்படி தான் பல விபத்துக்களில் பல உயிர்கள் ஒரே நேரத்தில் போகிறது.  ஒரு பேருந்து ஓட்டுநரின் விதி எப்படி அனைவரின் விதியையும் கட்டுபடுத்துகிறதோ அப்படியே ஒரு நாட்டு மக்களுடைய பொதுவிதி நாட்டு தலைவன் நிலைக்கு மாறுகிறது.

தீய மந்திரங்களால் பாதிப்படைய முடியாத ஒரு தலைவன் நாட்டை ஆளும் போது மந்திர யுத்தங்கள் சாத்தியம் இல்லை.  அவன் வேறுமாதிரி அமைந்துவிட்டால் அது சாத்தியமாகிவிடும் அதன் அடிப்படையில் தான் அன்றும் இன்றும் மந்திரங்கள் பயன்படுத்தப்பட்டு வருகிறது.

 மேலும் மந்திரங்கள் தங்களது செயல்பாட்டிற்கு அக காரணிகளான நோய்களையும் புற காரணிகளான ஆயுதம்  மற்றும் மனிதனையும் பயன்படுத்தி கொள்கிறது.  ஒரு அரசியல் தலைவரை வீழ்த்துவதற்கு மந்திரங்களை பயன்படுத்தும் போது அது அவரை கொலை செய்வதற்கு திட்டமிட்டு இருக்கும் மற்றொரு கும்பலின் செயலை ஊக்கப்படுத்தி தன் பணியை முடித்து கொள்கிறது.  அல்லது இயற்கையாக நோய்களை உண்டாக்கி காரியங்களை சாதித்து கொள்கிறது.

  இப்படிப்பட்ட அரசியல் கொலைகள் யுத்தங்கள் இன்றும் நடைபெறுகிறது.  இதை ஆழமாக புரிந்து கொண்டால் தீய மந்திரங்களின் பாதிப்பை தெளிவாக அறிந்து கொள்ளலாம்.  எல்லாவற்றையுமே இல்லை, கிடையாது, முடியாது என்று மறுத்து பழகப்பட்ட பகுத்தறிவுவாதிகள் இக்கருத்துக்களை புரிந்து கொள்வது சற்று கடினம் என்பதினால் நிச்சயம் மறுப்பார்கள் கேலி செய்வார்கள்.  ஆனால் அதைப்பற்றி நமக்கு அக்கறையில்லை.  அதே நேரம் தகவலை மக்களிடம் சொல்ல வேண்டிய கடமையை நாம் செய்தாக வேண்டும்.

மந்திரம் என்பது மனதை ஒருமுகப்படுத்தும் ஒரு முக்கிய சாதனமாகும்.

     பெரும்பாலான மந்திரங்கள் தெய்வ வழிபாட்டிற்குரியன ஆகும். சில மந்திரங்கள் நோயைக் கட்டுப்படுத்தவும், சில துஸ்ட மிருகங்களை அடக்கவும்,  சில பகையை வெல்லவும் பயன்படும். 

     நமது சித்தர்கள் இவற்றை மானிடர்களின் நலனைக் கருதியே வெளிப்படையாக வெளியிட்டனர். ஆனால் பிற்காலத்தில் மனிதன் தனது சுய லாபத்திற்காக மனிதர்களைக் கொல்லுவும். அவர்களை சீரழிக்கவும் அதனை பிரயோகிக்க கற்றுக் கொண்டான். இதனாலேயே மாந்திரிகம் என்றாலே மக்கள் மத்தியில் ஒருவித பயமும், அதன் மீது ஒரு வெறுப்பும் ஏற்பட்டுள்ளது. 

     மந்திரம் என்பது ஒருவகை சக்தியாகும். ஒலி வடிவிலானது. ஒலியலைகளைக் கொண்டு செயலாற்றும் தன்மையுடையது. மனதில் நினைத்ததை நினைத்தபடியே செயலாற்ற வைக்கும் சக்தி கொண்டது. அந்த சக்தியை எத்தகைய செயலையும் செய்து சாதிப்பதற்கு பயன்படுத்திக் கொள்ளமுடியும். இதனைக் கொண்டு சாதிக்க முடியாது மிக மிக அரிது என்றே சொல்லலாம். 

     மனித எண்ணத்தினது சக்தி மற்ற எல்லா சக்திகளையும் விட வலிமையானது வேகமும் அதிகமானது என்று தற்கால விஞ்ஞானம் ஒப்புக் கொண்டுள்ளது. ஒலியைவிட விரைவானதும் சக்தி வாய்ந்ததும் சிந்தனா சக்தி எனப்படும் மனோசக்தி ஆகும். இந்த சக்தியை எளிதில் தோற்றுவிக்க உதவுதே மந்திரங்களாகும். மற்றவர்களின் எண்ணங்களை அறிவது, எண்ணங்களை ஈடேறச் செய்வது, ஹிப்னோடிசம், மெஸ்மரிசம் செய்வது போன்ற அனைத்திற்கும் மூலமே மந்திரங்களும் அவற்றின் சக்தியுமேயாகும். 

     இந்த மந்திரங்களை பயன் படுத்தும் கருவியாக யந்திரங்கள் செயல்படுகின்றன. இந்த வழிமுறைகள் தொன்று தொட்டு நமது தேசத்தில் பயன்பட்டு வந்துள்து. மந்திர சாஸ்திரத்தை முறைப்படி அறிந்தவர் மிகச்சிலரே. இந்த சாத்திரம் அறிவியலானது. இதனை தவறான வழியில் பயன் படுத்தாமலும், தீய செயல்களிற்கு பிரயோகப்படுத்தமலும் இருப்பதற்காகவே இதனை முழுமையாக யாரும் அடுத்தவரிற்கு கற்றுத் தருவதில்லை. 

     மந்திர சாத்திரத்தினை ஒரு மந்திர சாத்திரம் முழுமையாக கற்றறிந்த குருவிடத்தே கற்றுக் கொள்ள முடியும். குருவில்லாமல் கற்றுக் கொள்ளும் எதுவும் சிறப்பினைத் தராது. மந்திர சாத்திரத்திற்கு முக்கியமானது எழுத்துக்களும் அவற்றிற்கான ஒலி அலைகளுமே ஆகும். இப்படி எழுத்துக்களை கொண்டு செயலாற்றும் மந்திரங்களை “வர்ணாத்ம சப்தம்” என வழங்குவர்.  வெறும் ஒலியலைகளை மட்டும் கொண்டும் மந்திரங்களை செயலாற்றச் செய்ய முடியும். இந்த வகை மந்திரங்களை “துவனியாத்ம சப்தம்” என வழங்குவர். பஞ்ச பூதங்களில் முதன்மையானதாக கருதப்படும் ஆகாயத்திலிருந்தே மற்றய நான்கு பூதங்களான நிலம், நீர், நெருப்பு, காற்று தோன்றியதாக கருதப்படுகிறது. மந்திர ஒலியானது பஞ்ச பூதங்களிலும் பாயக் கூடியது. நாம் எழுப்பும் மந்திர ஒலியானது காற்றில் கலந்து, ஆகாயத்தில் பரவி மற்றய பூதங்களையும் தாக்கி செயல்படுகிறது. 

     மந்திரங்களில் பயன்படும் எழுத்துக்கள் உயிர்ப்பு சக்தி கொண்டவை ஆகும். மந்திரங்களில் பயன் படும் ஒவ்வோர் எழுத்திற்கும். ஒலிக்கும் வலிமையும், அந்த ஒலிக்கேற்ற அதிரும் வலிமையும் கொண்டவை. பௌதீக விஞ்ஞானத்தில் ஒரு பொருள் தனது அதிர்வெண்ணிற்கு சமனான அதிர்வெண்ணில்; அருகில் உள்ள ஒரு பொருள் அதிர்ந்தால் தானாகவே இந்த பொருள் அதிரும் என்று நிருபிக்கப்பட்டுள்து.

             அந்த தத்துவமே மந்திரங்களிலும் கடைப்பிடிக்கப்படுகிறது. அதாவது நமது அண்டம் (ஆகாயம்) பலதரப்பட்ட சக்திகளால் நிறைந்தது என்பது விஞ்ஞானம் ஏற்றுக் கொண்ட உண்மை. இந்த அண்டத்திலிருக்கும் சக்திகளானது நாம் மந்திரங்களை உரிய அதிர்வுடன் ஜெபிக்கும் போது பாதிக்கப்படுகின்றன.  நாம் ஜெபிக்கும் மந்திரத்தின் அதிர்விற்கு சமனான அதிர்வு கொண்ட சக்தி பாதிக்கப்பட்டு என்ன நோக்கத்திற்கு நாம் மந்திரம் ஜெபிக்கிறோமோ அந்த செயலைச் செய்கிறது. மந்திரங்களைப் ஜெபித்து அதன் சக்தியை யந்திரங்களில் பதிவு செய்து பாதுகாத்த முறைப்படி பூசை செய்து வணங்கி வந்தால், நாம் பல நன்மைகளை இதன் மூலம் பெற முடியும். 

     சக்தி எற்றப்பட்ட யந்திரங்களின் வலிமையினால் சகல செயல்களையும் செய்ய முடியும். அப்படிப்பட்ட செயல்களில் நல்லவை, கெட்டவை இரண்டுமேயுண்டு. சொல்லப்போனால் மந்திரம் என்பது ஒரு வகை சக்தியாகும். 

            நெருப்பு என்ற சக்தி எப்படி தீபமாக இருந்து ஒளியைக் கொடுத்து நமக்கு நல்ல செயல்களைச் செய்கிறதோ அதோ போல் மந்திரங்களும் நல்லவற்றை செய்ய வல்லன. அதே நெருப்பு ஒரு வீட்டினை கொளுத்தும் போது எப்படி தீய செயலை செய்கிறதோ மந்திரங்களும் அதே போல் தீய செயல்களையும் செய்ய வல்லன. நெருப்பினைக் கொண்டு தீபத்தினை ஏற்றுவதா அல்லது வீட்டினைக் கொளுத்துவதா என்பதினை தீர்மானிப்பது நெருப்பு அல்ல மனிதர்களாகிய நாம் தான். அதே போலத் தான் மந்திரங்களையும் நல்ல காரியத்திற்கு நாம் பயன்படுத்தினால் அது நன்மையையும் தீய காரியத்திற்கு பயன்படுத்தினால் அது தீமையையும் தர வல்லது.

     மாந்திரீக சக்தி மூலம் நாம் 1. வசியம் 2. மோகனம் 3. ஆகர்சணம் 4. தம்பனம் 5. பேதனம் 6. வித்வேசணம் 7. உச்சாடனம் 8. மாரணம் என்ற எட்டு வித (அஸ்டகர்மம்.) செயல்களையும் செய்யலாம். அஸ்டகர்மத்தில் உள்ள ஒவ்வொரு செயலிற்கும் மந்திரங்கள், பூசை முறைகள், அமரும் இருக்கை, பூசைக்குரிய மலர்கள், ஜெபத்திற்குரிய மலர்கள், ஜெபத்திற்குரிய மணிகள்(மாலைகள்), யந்திரம் அமைப்பதற்குரிய தகட்டின் உலோகம் போன்றன தனித்தனியே அமையும். யந்திரங்களில் பதிவு செய்த சக்தியானது குறிப்பிட்ட காலம்வரைதான் நிலைத்திருக்கும். இந்த கால அளவானது அதில் பதிவாகியுள்ள உச்சாடனத்தின் அளவு, உருக் கொடுத்த முறை, உருக் கொடுத்த மாந்திரீகனின் மன ஒருமைப்பாடு, யந்திரம் எழுதிய உலோகத் தகட்டின் அளவு,சித்தியான பின்பு அதனை வணங்கும் முறையைப் பொறுத்து அமையும்.

  கோயில்களில் இருக்கும் சக்தியானது மூலவரிற்கு கீழே வைக்கப்படும் யந்திரத்தகட்டினாலேயே உண்டாகிறது. இந்த தகடு யாகங்கள் மூலம் உரு கொடுக்கப்படுகிறது. அத்துடன் நித்திய பூசைகள் முறைப்படி செய்யப்படுகின்றன. இதன் கால அளவு 13 வருடகாலங்கள். அதனாற்தான் 13 வருடத்திற்கு ஒரு முறை கும்பாவிசேகம் செய்யப்பட்டு யந்திரத்தகடுகள் புதிப்பிக்கப்படுகின்றன. மந்திரங்கள் அந்தந்த மந்திரங்களை ஜெபிப்பவனை காக்கும். ஒரு செயலை நினைத்து அந்த செயலிற்குரிய மந்திரத்தை முறைப்படி குரு முகமாக தீட்சை பெற்று முறைப்படி ஜெபித்து வந்தால் அந்த காரியம் நினைத்தபடி சித்தியாகும்.

மந்திரம் என்பது ….. அதன் செய்முறைதான் மாந்திரீகமாகும்.

    தேவதைகளிற்குரிய மந்திரங்களை குரு முகமாக தீட்சை பெற்று அதற்குரிய நியமத்துடன் ஜெபித்து வந்தால் அந்த தேவதைகள் நேரில் பிரத்தியட்சமாகி மந்திர ஜெபம் செய்பவரிற்கு சகல சித்திகளையும் அருளும். 

மந்திரங்கள் ஏழு கோடி எனக் கூறுவர்.  அவை பீஜம், பிரணவம், கீலகம், ரஷ~p என பல வகைப்படும். மகா மந்திரங்களை மந்திரமுணர்ந்த குருவிடமிருந்து தீட்சை மூலமாகவே தெரிந்து கற்றுக் கொள்ள வேண்டும். அவற்றுள் முக்கியமான சாந்த மந்திரங்கள் 

பஞ்சாட்சரி 

தூல பஞ்சாட்சரி

சடாட்சரி

ஏகாட்சரி

பஞ்ச பிரம்மம்

மாலா 

சூடாமணி

சிந்தாமணி

திரிபுரசுந்தரி

அன்னபூரணி

மிருத்யுஞ்சு ஜெயம் 

தட்சிணாமூர்த்தி

கணேசர்

விஷ்ணு

ருத்திரன் 

 போன்றன.

     மந்திரங்களை மந்திர நிகண்டு, கொங்கணவர் நடு படைக் காண்டம், திருமந்திரம், அகத்தியர் மாந்திரீக காவியம் மற்றும் பல சித்தர்களின் நூல்களில் தெளிவாக காணலாம். ரிஷி அனுஸ்டானம் இல்லாத மந்திரம் ஆயுளைக் கெடுக்கும் தவறான உச்சரிப்பு, தவறான ஒலி வியாதியைக் கொடுக்கும் தேவாதீனமான மந்திரங்கள் செல்வத்தை அழிக்கும் ஆயுதம், வஸ்திரமின்றி செய்யப்படும் மந்திரங்கள் புத்திர, பந்துக்ளை நாசம் செய்யும்.  முறைப்படி தெரிந்து முறைப்படி ஜெபிக்கப்படும் மந்திரங்களே சகல நன்மைகளையும் இம்மைக்கும், மறுமைக்கும் தரும்.

     உலகம் தோன்றுவதற்கு ஆதாரமாய் இருந்தவை நிலம், நீர், நெருப்பு, காற்று, ஆகாயம் எனும் பஞ்ச பூதங்களாகும். ஆகாயத்திலிருந்து ஒலியும், ஒளியும் தோன்றின.  அண்டமெல்லாம் வியாபித்திருக்கும் உயிர்க் காற்றினால் உயிரினங்கள் எல்லாம் உயிர் வாழ்கின்றன.  இந்தக் காற்றே மனித உடலில் தச (பத்து) வாயுக்களாகி சகல வித தொழிலையும் செயகின்றன. இந்த தச வாயுக்களின் அசைவுதான் மனமாகும்.  மனம் சலனமுள்ளது. நிலையற்று இயங்குவது. அப்படிப்பட்ட மனதை அசைவற்று, சலனமற்று இருக்க என்ன செய்வது என்ற சிந்தனையின் வெளிப்பாடே மநதிரம் ஆகும். மனதை ஒருமுகப்படுத்தி ஒரு நிலைப்படுத்த மந்திரம் மிக மிக சிறப்பான வழியாகும்.

" மனமது செம்மையானால் மந்திரம் செபிக்க வேண்டா

 மனமது செம்மையானால் வாயுவை உயர்த்த வேண்டா

 மனமது செம்மையானால் வாசியை நிறுத்த வேண்டா

 மனமது செம்மையானால் மந்திரம் செம்மையாமே "  - அகத்தியர்"

     மனதை செம்மைப்படுத்த மந்திரம் அவசியம் என்பதனை அகத்தியர் இவ்வாறு வலியுறுத்தியுள்ளார். பஞ்சாட்சர மந்திரம் என்பது பஞ்ச பூதங்களையும் கட்டுப்படுத்தும் மந்திரமாகும்.  ஒவ்வொரு பூதத்திற்கும் எழுத்து, வரிவடிவம் உள்ளது. அதாவது ந–ம–சி–வ–ய என்ற எழுத்துகளாகவும்,  வட்டம், ஐங்கோணம், அறுகோணம், சதுரம், முக்கோணம் போன்ற வரிவடிவங்களாயும் உள்ளன. இவை அவற்றிற்குரிய உலோகங்களில் அவற்றிற்குரிய இடத்தினைப் பெறும் போது பஞ்சாட்சர யந்திரம் ஆகிறது. உலோகங்கள் பண்டைய கால கருத்துப்படி இரும்பு, செம்பு, வெள்ளி, தங்கம், வங்கம், துறா, வெண்கலம், ஈயம், நாகம் என்ற 9 உம் ஆகும். இந்த உலோகங்களில் தகடுகள் செய்து அவற்றில் மந்திர உயிர் எழுத்துக்களை, வடிவங்களை அவற்றிறகுரிய இடங்களில் எழுத வேண்டும்.  குறிக்கப்பட்ட மந்திரங்களிற்கு குறிப்பிட்ட உலோக தகட்டினயே உபயோகப்படுத்த வேண்டும் என்ற விதியுள்ளது.  இப்படி செய்தால்தான் மந்திரம் சரியான முறையில் வேலை செய்யும். மந்திரங்களைப் ஜெபித்து அதன் சக்தியை யந்திரங்களில் பதிவு செய்து பாதுகாத்து முறைப்படி பூசை செய்து வணங்கி வந்தால், நாம் பல நன்மைகளை இதன் மூலம் பெற முடியும்.

---- என்றும் அன்புடன் உங்கள் ஸ்ரீ . . .

மந்திரம் என்பது மனதை ஒருமுகப்படுத்தும் ஒரு முக்கிய சாதனமாகும்.